Vandring i Lom

Frå Lom sentrum (Fossbergom) er det lagt til rette for varierte fotturar ut i frå sentrum. Turane er godt merka heile vegen, og kan by på alt frå bratte oppoverbakkar med fantastisk utsikt til kulturstiar og venlege rusleturar utan høg puls.

Sjå turtips her - eller i boksen under: 

Best utsikt får du frå toppane Lomseggen, Læshø eller Tronoberget / Geitupphøe. På veg opp mot Læshø kan du i tillegg oppleve «Setervegen til fjells», ein kulturstig med informasjonstavler undervegs. Dersom du vil ta det litt rolegare kan vi anbefale turen langs elva Bøvre og Skim, eller kulturstigen om Bordvassvegen, ei  runde i lettgått terreng på totalt 9 kilometer. 

Turkart Lom

Bergomsrunda er ein triveleg rundtur til fots i nasjonalparklandsbyen, Lom sentrum. Runda bitt saman sentrum og attraksjonane på ein god måte og du får med deg alt som er verd å sjå. Runda er ca 2,5 km lang.

Tre store informasjonstavler i sentrum gir deg ei god oversikt over alternativa, og det fins gratis fotturbrosjyrar på norsk, engelsk og tysk.

Fottur- og sykkelkart for Lom:

• Turkartbrosjyre norsk utgåve (PDF, 2 MB) 
• Sykkelkart norsk utgåve (PDF, 4 MB)
• Turkart for Bøverdalen (PDF, 22 MB)
• Fisking i Lom nasjonalparklandsby (PDF, 6 MB)

Ta kontakt med turistinformasjonen i Lom eller Norsk fjellsenter viss du har spørsmål.