Galdhøpiggen

Galdhøpiggen er Noregs og Nord-Europas høgaste fjell. Fjellet ligg i Jotunheimen i Lom kommune, 2469 meter over havet, og er ein av landets mest populære fjellturar.

Fjellet er eit nasjonalsymbol midt i hjartet av Noreg, og ligg i det alpine lanskapet i Jotunheimen nasjonalpark. Det er mogleg å gå til Galdhøpiggen både til fots om sommaren og med ski om vinteren. 

Om turen:
Turen til Noregs tak startar anten frå Juvasshytta, ved å krysse Styggebrean i taulag, eller frå Spiterstulen på eigenhand på merka sti eller med breførar via Svellnosbreen. Sjå meir info i boksane under.

Hund på Galdhøpiggen?
Det går fint å ha med hund på tur til Noregs tak, Galdhøpiggen. Dette er på eige ansvar, og det er anbefalt å ha ein god kroppssele og potesalve. Det er viktig at hunden er sikker over breen. Hunden skal difor ha en god sele som har magereim som sitt så godt at hunden kan lyftast i selen uten å falle ut. 

Vintertur til Galdhøpiggen:
Du har kanskje vore 2469 meter over havet sommarstid? Om vinteren kan du ha Noreg sitt tak meir eller mindre for deg sjøl, om du tek fatt på den 15 kilometer lange turen frå Raubergstulen via Juvasshytta til Galdhøpiggen på toppturski. Turen er på totalt 1500 høgdemeter og 15 km. Å stå på toppen av Galdhøpiggen midtvinters er ei unik oppleving, med utsikt over kvite toppar så langt du kan sjå.