Aktiv i Lom | Klatrepark i Lom sentrum

Om

Den nye klatre- og nettparken i Lom sentrum opna sommaren 2020 og består av to løyper; ei for dei yngste klatremusene og ei for dei litt eldre. Her kan både små og store oppleve mestring under trygge forhald. 

Den nye klatreinstallasjonen i Lom sentrum består av ein nettpark og ein klatrepark. I nettparken kan dei aller minste; barn ned i 2-årsalderen på eigenhand boltre seg trygt i nett-tunellar mellom små hytter - og hoppe ned på ei diger luftmadrass! Ungane er sikra ved at dei kostant er inne i eit nett. 

Klatreparken egnar seg for litt større ungar som er over 110 cm. høge. I klatreparken er ein sikra heile vegen, og beveger seg over ulike typer hinder som bruer, stiger og nett. Klatreløypa blir avlutta med at ein susar gjennom ei zipline. 

Velkomen til leik og mestring i Lom aktivitetspark!
Klatreparken i Lom er ein del av Lom aktivitetspark - som altså ligg ved innkøyringa til Lom sentrum. Her er det mange aktivitetar for barn, unge og heile familien; som gyrotrampoline, 9-hulls minigolfbane, pedal gokartbane og pump-trackbane. Det er guide- og aktivitetsfirmaet Aktiv i Lom som driv aktivitetsparken, som er ope kvar dag i sommarsesongen.

Velkommen til oss i Aktiv i Lom!