Fisking Jotunheimen

Opplev aurefiske i Jotunheimen! Kombiner neste fjelltur med fisking - og tilfør enda ei oppleving på di ferd gjennom den storslåtte naturen i Jotunheimen nasjonalpark. 

Lite kan måle seg med lyden av ein fersk aure som krullar seg i panna medan du sit og ser på at sola går ned over 2000- meterstoppane i Jotunheimen. Aktivt fiskestell har ført til at vi har fyrsteklasses fiske i det meste av små og store vatn i og rundt Jotunheimen. Til saman over 200 vatn og 300 km med fiskeførande elvar. Her finn du alt frå lett tilgjengeleg og barnevennleg fiske ved innfalsportane til dei bortgjemte perlane med ekte fjellaure i dei sentrale delane av Jotunheimen.

Fiskekort for Jotunheimen:
Dette gjeld for stong og handsnøre i sentrale deler av Jotunheimen frå nasjonalparkgrensa i aust og nordaust til Rv 55 Sognefjellsvegen i nord, eit område på nesten 1200 km2. Viktige vatn er Gjende (utanom Gjendeosen), Bessvatnet, Langvatnet, Leirvatnet og Preststeinvatnet. Dei viktigaste innfallsportane er Gjendeosen, Veodalen, Spiterstulen, Leirvassbu og Sognefjellet. Russvatnet er privat og er ikkje inkludert i ordninga. Kjøp fiskekort her.

Fiskebestand 
Ørret, eller aure, er einaste fiskeslaget i alle vatn og elver. Mange av vatna ligg så høgt at det ikkje er naturleg rekruttering. I mange av desse vatna blir det sett ut settefisk jamnleg. 

Sal av fiskekort, informasjon om fiske og reglar finn du på inatur.no.