Bessheim | Fjellstue

TypeFjellstue

​​​​​​Sjodalsvegen 2977, 2680, Vågå

Sjekk tilgjengelighet forBessheim | Fjellstue (Åpnes i et nytt vindu)

+47 61 23 89 13

Bessheim_Kristoffer Mæle Thuestad
  • Bessheim_Kristoffer Mæle Thuestad
  • Product Image
  • Bessheim
  • Bessheim_Mountains of Norway
  • Bessheim_Kristoffer Mæle Thuestad
  • Bessheim_Kristoffer Mæle Thuestad
  • Bessheim_Mountains of Norway
  • Bessheim_Mountains of Norway
  • Bessheim_Mountains of Norway
  • Bessheim_Mountains of Norway
  • Bessheim fjellstue
  • Bessheim vertsakap_Kristoffer Mæle Thuestad
  • Bessheim_reinsdyr_Kristoffer Mæle Thuestad
  • Product Image
  • Product Image
  • Product Image
  • Product Image
  • Product Image
  • Product Image
  • Bessheim_Kristoffer Mæle Thuestad
  • Bessheim_Kristoffer Mæle Thuestad
  • Bessheim_Kristoffer Mæle Thuestad
  • Product Image
  • Product Image
  • Product Image
  • Vertskapet på Bessheim; Kari og Bjørn

Om

Bessheim fjellstue ligg like ved fjellryggen Besseggen i Jotunheimen. Sentralt plassert ved fylkesveg 51, har Bessheim sidan 1890 losjert og servert fjellvandrarar og reisande langs den Nasjonale turistvegen over Valdresflya. 

Dessutan er Bessheim ein del av Høgruta i Jotunheimen  - og startstad for denne populære 5-dagarsturen i hjarta i Jotunheimen.  Du kan anten bruke fjellstova som ein stoppestad på ein lengre tur, eller bu her fleire dagar og utforske lokale fjelltoppar. Kva med å gå turen over Besseggen på ski?

Overnatting: 
Bessheim tilbyr overnatting i rom, leilegheiter og i hytter. I tillegg har vi ein liten campingplass. Vi har totalt 180 senger fordelt på 27 rom og 27 hytter og leilegheiter. Inne på fjellstua har vi 64 av desse sengene. Romma har ikkje hotellstandard, men det er oppreidde senger og dusj og toalett på dei fleste.Hyttene har mellom 2 og 10 senger, og storleik og standard varierer mykje.

Mat: 
På Bessheim serverer vi norsk, tradisjonell mat. Vi likar å serverer reinsdyrkjøt frå Vågå Tamrein AS, hjort og elg frå lokale jegerar og fjellaure frå dei mange gode fiskevatna i Jotunheimen. Kvar morgon er det frokostbuffet der gjestene kan smørje seg niste til fjellturen.

I restauranten vår serverer vi frokost, middag frå ein a la carte-meny på dagtid og ein god treretters middag om kvelden. På frokostbuffeten kan du smørje nistepakke og å få fyllt termos til dagens tur.

Kaféen er open frå klokka 11.00 til 20.30 kvar dag. Frå klokka 13.30 og utover ettermiddagen serverer vi middag frå ein a la carte-meny. Dersom du ynskjer å reserverer bord til treretters middag, tek vi gjerne i mot bestillinga di dagen i forvegen.

Vinter: 
Vintersesongen varar frå 6. februar til 17. mai 2020, og Gjendeguiden har guida vinterturar til Besseggen kvar fredag frå 7. februar til 3. april! (Sjå under). Vi kjører opp skiløyper her i Sjodalen frå vi opnar i februar og til over påske. Skiløypene går mellom bedriftene og dei blir kjørt opp med snøskuter og sporleggjar. Løypene er kvista og du finn oversikt over dei på www.skisporet.no .Det blir også kvista ein del løyper høgare til fjells også, blant anna rundt Brurskarsknappen, over Besstrondfjellet og innover Leirungsdalen. I tida rundt påske gjer Vågå Røde Kors ein stor innsats for å stikke innover Jotunheimen til blant anna Memurubu, Glitterheim og Gjendebu.

I april og mai er det tid for vårskiturar. Da er det ljose, lange dagar og fint å gå på 2000-meters toppar i Jotunheimen og på Valdresflya. Det blir også kjørt opp løyper oppe på Valdresflya i mai.

Besseggen: 
Besseggen er ein av dei mest populære fjellturane i landet. Dei fleste går Besseggen i sommarsesongen, men det er faktisk mogleg å gå den kjende eggen og på vinterstid. Da kan du risikere å vere der heilt for deg sjølv. Turen går da på fjellski eller randoneeski frå Bessheim, opp til Bessvatnet og over isen på Bessvatnet, på langs. Ein kjem da til Bandet, som er det smalaste partiet mellom Gjende og Bessvatn, og startar oppstigninga av Besseggen. Her tek ein skia på sekken opp sjølve eggen. Det kan vere lurt med stegjern og isøks på glatte partiar. Når du har gått opp heile Besseggen kjem du til høgaste punktet, Veslfjellet, 1743 m.o.h. Eit stykke etter toppen deler stigen seg, og du køyrer ned til venstre, ned att til Bessvatnet og retur ned til Bessheim.

Sommar: Fottursesongen startar fredag 5. juni i 2020, for da startar Gjendebåten å frakte passasjerar for å gå Besseggen. Gjendebåten går kvar dag fram til 4. oktober 2020, og Bessheim held ope like lenge.  

Det er dette som er tida for å gå Besseggen og mange andre fine fjellturar i Jotunheimen. Gjendebåten går stort sett kvar dag i denne perioden. For å finne båttidene går du inn på www.gjende.no Her og på www.besseggen.net finn du all informasjonen du treng for å gå ein av dei mest populære fjellturane i landet. NB: Hugs at du må bestille deg båtbillett på førehand!

Kontakt:
Bessheim Fjellstue AS

Sjodalsvegen 2977
2680 VÅGÅ

Heimeside: www.bessheim.no

E-post: post@bessheim.no

Telefon: +47 61 23 89  13

Kart

Veibeskrivelse

Bessheim ligg fint plassert på fjellovergangen mellom Valdres og Gudbrandsdalen, attmed fylkesveg 51 over Valdresflya. Bessheim ligg rett attmed vegen og det er ein stor, brun hovudbygning på oversida av vegen. Det er 34 mil til Oslo gjennom Gudbrandsdalen, og 25 mil til Oslo om Fagernes og Beitostølen. Frå Trondheim er det 31 mil, og frå Bergen er det knapt 36 mil, via Lærdal og Beitostølen. Vi har brøytt veg opp hit heile året frå Sjoa og Vågå.

Merk deg at kvar vinter, mellom 15. desember og 31. mars, er fylkesveg 51 Valdresflye stengt mellom Beitostølen og Maurvangen. Dersom du skal besøke oss i denne perioden må du køyre E6, til Sjoa. Sjoa ligg 1 mil sør for Otta. Frå Sjoa og opp hit til Bessheim er det 62 km. Vegen går opp gjennom Heidal. Etter 32 kjem du til Randsverk. Her kjem du inn på fylkesveg 51, og i krysset her tek du til venstre. Deretter køyrer du vidare innover Sjodalen til Bessheim.

I perioden frå Valdresflye opnar  ca. 31. mars og fram til 17. mai, er vegen nattestengd mellom 20.00 og 08.00. Det same gjeld ofte sist i november og fyrst i desember.

Det er ikkje til å koma unna at det enklaste er å koma til oss med eigen bil. Det kollektive tilbodet er ikkje veldig stort.

Opningstider

* Vintersesong frå byrjinga av februar til 17. mai.
Sommarsesong frå byrjinga av juni til etter haustferien.

Sjå meir

Høgruta i Jotunheimen | Haute Route NorgeHøgruta i Jotunheimen er Norge sitt svar på alpane sin klassiske skitur; Haute Route. Skituren går over brear og 2000-meterstoppar i Jotunheimen. Mat og kvile på trivelege turisthytter.

Topptur på ski: Glittertinden (2464 m.o.h.), LomTopptur på ski til Norges nest høgste fjell gir formidabel utsikt over store delar av Jotunheimen, og er eit ypperleg skifjell.

Topptur på ski: Rasletinden (2105 m.o.h.), LomTOPPTUR TIL RASLETINDEN, 2105 m.o.h. Enkelt tilgjengeleg 2000-meterstopp frå Valdresflye.

Nasjonal turistveg Valdresflye (FV 51), VågåNasjonal turistveg Valdresflye, fylkesveg 51, går mellom Garli og Hindsæter med avstikkar til Gjende.

Topptur på ski: Besshøe (2258 m.o.h.), VågåTOPPTUR TIL BESSHØE 2258 m.o.h: Dominerande kjempe som ligg ved Gjende og ruvar over både Besseggen og Knutshøe.

Topptur på ski: Austre Leirungstinden (2288 m.o.h.), VågåTOPPTUR TIL AUSTRE LEIRUNGSTINDEN, 2288 m.o.h. frå Valdresflye

Topptur på ski: Heimdalshøe (1843 moh.), LomFjelltoppen Heimdalshøe ligg 1843 moh. på Valdresflye, og er ein trygg og lett tilgjengeleg topptur heile vintersesongen. 

Turtips: Besshøe (2258 m.o.h.), VågåFOTTUR TIL BESSHØE 2258 m.o.h: Ta ein fjelltur til den dominerande kjempen av eit fjell, som ligg ved Gjende og ruvar over både Besseggen og Knutshøe.

Topptur på ski: Høgdebrotet (2226 m.o.h.), VågåTOPPTUR PÅ SKI - HØGDEBROTET (2226 m.o.h.) frå Valdresflye

Topptur på ski: Vårskitur i Gjendealpane, VågåTOPPTUR PÅ SKI | Tinderangling over Rasletind, Munken, Mugna og Kalvehøgdane frå Valdresflye