Vintervegar i Lom og Aust-Jotunheimen

Ein del av adkomsvegane til fine skiområder i Lom og austlege delar av Jotunheimen ligg i dvale om vinteren. Om våren blir dei brøytt, og eit eldorado for toppturar og råe skiopplevingar blir atter meir tilgjengeleg.

Vårskisesongen startar for fullt rundt påske! Da har dessutan turisthyttene i fjellet opna dørene etter vinteren, og byr på mat og kvile til svoltne og glade toppturistar. Her er ei oversikt over opningstider til vintervegane som leder deg inn til skiområda og turisthyttene i austlege delar av Jotunheimen: 

Sognefjellsvegen | Nord-Europas høgaste fjellovergang

Opnar: ca. 1. mai 
Sjekk vegmeldinga her!

Nasjonal turistveg Sognefjellet (Fv. 55) går mellom Lom nasjonalparklandsby og Gaupne og er 108 km lang. Vegen over fjellet mellom Liasanden og Turtagrø er Nord-Europas høgaste fjellovergang med eit toppunkt 1434 meter over havet. 

Vinterstengd: På vinterstid er vêret ofte hardt og snømengdene såpass store at det er uråd å halde vegen open. Normalt er vegen derfor stengd frå ca.november og ut april. Raude flagg i kartet (under) viser kvar strekningen blir stengd.

Sjekk oppdatert vegmelding her: Fjellovergangar | Statens vegvesen

Tek du turen rett etter opninga om våren, kan opptil 10 meter høge brøytekantar vere eit synleg bevis på styrkeforhaldet i fjellet om vinteren. Vegen blir normalt brøytt fram til Sognefjellshytta til 1.mai. 

Galdhøpiggvegen | Nord-Europas høgastliggande bilveg

Opnar: ca. 13. mai
Den 15 kilometer lange Galdhøpiggvegen er Nord-Europas høgastliggande bilveg, og på mange måter "vegen til Galdhøpiggen" fordi han går til Juvasshytta. Vegen startar 550 moh. ved Galdesand i Bøverdalen og stig opp til 1841 moh. ved Juvasshytta, via Raubergstulvegen. Etter ca. 5 km ved Raubergstulen er det bomveg med kortbetaling. På finværsdagar er utsikta spektakulær langs heile vegen og høgdepunktet for mange er panoramautsikta mellom anna til Galdhøpiggmassivet og Glittertind ved vegens endepunkt. 

Sjå i kart!

Vinterstengt: Midtvinters er Galdhøpiggvegen stengt opp til Juvasshytta (1841 moh.), men det blir ofte brøytt til Raubergstulen (1000 moh.) Vegen blir brøytt og opnar heilt opp når Juvasshytta opnar for sesongen, vanlegvis i midten av mai. Vegen er ope til slutten av oktober, med omsyn til vêret.

Den øvre delen av vegen, Raubergstulen – Juvasshytta vart påbegynt i 1934 av Knut K. Vole, vert på Juvasshytta (1914-1956), og gjorde det mogleg å etablere Galdhøpiggen sommerskisenter som ligger 800 meter frå Juvasshytta. 

Meir informasjon her: Galdhøpiggvegen
  
 

Leirdalsvegen i Leirdalen - inn til Leirvassbu

Opnar: Mars
Leirdalsvegen er vegen som fører inn til turisthytta Leirvassbu. Vegen er ein 15 kilometer lang privat bomveg, og blir ikkje brøytt midtvinters. 

I midten av mars blir det brøytt veg ca. 9 km innover Leirdalen frå "Vegasjelet" (avkøyringa frå Fv. 55 Sognefjellsvegen) til parkeringsplass på Sletthamn. Dette lettar adkomsten til mange av kremtoppane i dette området. Frå Sletthamn er det ca. 6 kilometer inn til Leirvassbu og det blir kvista løype, slik at det er mogleg å gå på ski innover dalen.

Sjå i kart!

I vårskisesongen er det transport med beltvevogn eller scooter for buande gjestar på Leirvassbu på førehandsbestilling. Det er òg fint å gå innover dalen på ski, og ta matpausa på Leirvassbu.

Opningstidene for ope veg heilt inn til Leirvassbu følger opningstidene for sommarsesongen på Leirvassbu, ca 20. juni til midten av september.

Visdalen - vegen til Spiterstulen

Opnar: 1.mars 

Visdalsvegen er ein privat fjellveg som går frå Fv. 55 Sognefjellsvegen og inn til turisthytta Spiterstulen. 

Sjå i kart.

Vegen er ope når Spiterstulen er ope. Om vinteren er dette frå ca. 1.mars -1.mai. 

Elles er vegen stengd med bom 5 km. frå Spiterstulen. Det kan tidvis vere vanskeleg å køyre heilt frå Visbrua, som ligg 17 km frå Spiterstulen. Når hytta er stengd, kan det ikkje garanterast at vegen er køyrbar. Alternativet er da å gå på ski frå bommen og inn til hytta.

 

Valdresflye | Nasjonal turistveg

Opnar: 1.april

Nasjonal turistveg Valdresflye går mellom Garli og Hindsæter med avstikkar til Gjende og Gjendesheim turisthytte. Strekninga er 49 kilometer lang (Fv. 51). 

Vinterstengd veg: Deler av Nasjonal turistveg Valdresflye er vinterstengt mellom Garli og Maurvangen. Raude flagg i kartet (under) viser kva strekning som blir stengd. 

Sjekk oppdatert vegmelding her: Fjellovergangar | Statens vegvesen

Strekninga er ope mellom Hindsæter og Bessheim/Gjendesheim. Vegen er normalt stengd i desember og opnas igjen i mars/april. Tilkomst til Bessheim/Gjendesheim er frå Randen i Vågå (Fv.51) eller Sjoa (veg 257). 

Det er ikkje brøytt veg til Glitterheim turisthytte om vinteren. Vertskapet transporterer sine gjester med beltebil/snøscooter frå parkeringsplass i Veoli i Sjodalen, ca 10. min køyring frå Randsverk. Dei køyrer to ganger per veke, med ekstraturar i påska. Førehandsbestilling. Frå Veoli er det 25 km merka løype til hytta. 

Køyrande må være oppmerksame på tamrein på strekninga.