Turtips: Store Urdadalstinden (2116 moh.) frå Leirvassbu

Om

Urdadalstindane er ei tinderekke på vestsida av Urdadalen sentralt i Jotunheimen i Lom kommune. Store Urdadalstinden er den nordlegaste og høgaste av dei, 2116 meter over havet. Ein tilgjengeleg topptur som ikkje krev tau eller kryssing av bre.  

Stad: Jotunheimen, Lom kommune
Beste utgangspunkt: Leirvassbu turisthytte (1400 moh.) eller Spiterstulen turisthytte (1100 moh.)
Lengde: 13 km tur-retur frå Leirvassbu
Tid: 4-6  timar tur- retur.
Stigning: Ca. 700 høgdemeter frå Leirvassbu og 1000 høgdemeter frå Spiterstulen
Vanskelegheitsgrad: Middels
Ver obs på: Dårleg merka og bratt siste stykket opp til toppunktet. 

Frå Leirvassbu (1400 moh.) følger du T-merka rute mot Spiterstulen forbi Kyrkjeglupen, over høgde merka med 1499 meter på kartet, og fortsetter eit lite stykke nedover til elva Visa er kryssa. 

Deretter begynner du oppstigninga i det slake terrenget oppover mot Semelholstjønne. Bestigninga startar i nordenden av Semelholstjønne, der det er mogleg å finne hylle- og terrengformasjonar som forenklar klyvinga mot toppen. Men det er ein grunn til at fjellet har namnet sitt, for her er det mykje ur! Det er imidlertid ei blanding av vegetert terreng, steinur og glatte sva, slik at det er viktig å navigere seg rundt dei brattaste og glattaste partiene. Ein siktar seg inn på bandet mellom Store og Midtre Urdadalstinden, og følger deretter ryggen til topps.

Frå Spiterstulen (1100 moh.) ligg Store Urdadalstinden lett synleg mot sør innover Visdalen frå parkeringen på Spiterstulen. Toppen ruver stolt i en pyramideformet form med ein liten bre mot aust. Turen startar ved å følge merka sti mot Gjendebu - ein innmarsj på 6-7 km i lettgått terreng gjennom Visdalen. Elva Hellstuguåe krysses på to solide trebroer, og stigen forsetter flatt innover. Ved foten av fjellet, kryssar du bekken som går innoven Urdadalen og setter kursen mot nordaust-sida av fjellet. Det er mykje stein oppover mot toppen. Ver obs på at mange er både store og lause. 

Urdadalstind-traversen: 
Dette er ein klassisk ryggtravers med mykje klyving over skarpe egger. Krever ikkje tau, men ein god porsjon eventyrlyst og pågangsmot i steinura. På denne traversen kan du plukke med deg over fem toppar over 2000-meter. Turen startar anten frå Spitestulen eller Leirvassbu. Frå Spiterstulen er turen ca. 23 km. lang totalt. Du bør rekne 10-11 timar på turen. 

Toppar på turen: 
Store Urdadalstinden - 2116 moh.
Midtre Urdadalstinden - 2060 moh.
Urdadalstinden S1 - 2080 moh.
Vesle Urdadalstinden - 2010 moh.
Urdadalstinden S2 - 2005 moh.