Ledig stilling: Vertskap i turistinformasjonen i Lom

Hei! Er du vår nye fjellglade medarbeidar i turistinformasjonen i Lom? 

Visit Jotunheimen er på jakt etter deg som er glad i fjell og folk, positiv og serviceinnstilt - og freista til å jobbe med fjell og folk i sommar!

Dine arbeidsoppgåver vil vere å hjelpe dei som kjem innom i turistinformasjonen, men òg dei som tek kontakt på telefon, e-post og i sosiale medier. Du vil òg selje kart, bøker og tur-relaterte artiklar frå butikken vår i turistinformasjonen. I tillegg vil du kunne få oppgåver knytt til oppdatering av nettside, sosiale medier og anna relevant marknadsføring. Vi driftar òg kontorfellesskap i dei same lokala - kor du kan få ansvar for utleige/booking av møterom og kontor. 

Hektisk og givande: Du arbeider i hovudsesongen frå juli til midten av august, og eventuelt noko utover det i juni og september dersom mogleg. Arbeidstida vil variere og helger må påreknast. Det er positivt om du har anledning til å arbeide nokre helgar utover seinsommaren/hausten. Du må rekne med å arbeide noko aleine og noko saman med andre. Du får god opplæring saman med andre i byrjinga.

Turistinformasjonen vår ligg i nyoppussa lokalar i «Nilsbue» – den mest sentrale plasseringa i Lom sentrum - og har besøk av opptil 12.000 besøkande i løpet av sommarsesongen; ein god miks av nordmenn og utlendingar. Du må vere god i norsk og engelsk, og kan du fleire språk, er det ein stor fordel! 

Med base i nasjonalparklandsbyen Lom, med Galdhøpiggen, Glittertinden og høgdemetervis med 2000-meterstopper i «bakhagen», er dette ei unik sjanse til å jobbe i kremen av den norske fjellheimen, og hjelpe enda fleire til å oppleve den unike naturen, aktivitetane, maten og kulturen som området er kjent for. 

Stillingstittel
Vertskap i turistinformasjonen i Lom

Varigheit
Sommar

Arbeidsstad
Turistinformasjonen i Lom
Bergomsvegen 17, 2686 Lom

Vi ser etter deg som: 

• Er sjølvstendig og har stor arbeidskapasitet.

• Tek initiativ og ser moglegheiter.

• Har kjennskap til aktivitetar og tilbod i Lom, Jotunheimen og omland.

• Er glad i å prate med folk, og som minimum beherskar norsk og engelsk flytande.

• Det er ein fordel om du har kjennskap til sosial medier.

• Det er ein fordel om du liker å ta bilete/film.

Vi kan freiste med:

• God opplæring og hjelp til å bli enda betre kjend i området.

• Godt arbeidsmiljø.

• Moglegheit til å påverke vertskapskonseptet vårt gjennom digital og personleg formidling.

• Arbeidsstad på ein av dei mest attraktive høgfjellsdestinasjonane i Norge.

• Løn etter avtale.

For meir informasjon om stillinga, kontakt: 

Mari Arnøygard Wedum
Dagleg leiar i Visit Jotunheimen
mari@visitjotunheimen.no

Søknad med CV kan du sende til mari@visitjotunheimen.no innan 11.mai 2025.
Relevante søknader blir behandla fortløpande. 
 

Om Visit Jotunheimen
Visit Jotunheimen AS er destinasjonsselskapet for Lom, Jotunheimen og omland. Lom sentrum har status som nasjonalparklandsby og er ein naturleg innfallsport til nasjonalparkane Jotunheimen, Breheimen og Reinheimen. Visit Jotunheimen har base i det mest fjellrike landskapet i Norge, og har som mål å løfte fram unike opplevingar knytt til naturaktivitetar, lokal mat og kultur.

Sjekk ut fleire ledige stillingar på stillingssleppet!