Galdhøpiggen frå Spiterstulen

Til topps på eigenhand eller med guide

Turen frå Spiterstulen til Galdhøpiggen kan gjerast både med og utan førar, og det finst fleire rutealternativ. Den vanlegaste ruta går ikkje over bre, og du kan difor gå på eigenhand på godt merka sti.

Spiterstulen ligg 1100 m.o.h. ved skoggrensa i den lune og frodige Visdalen i Lom kommune i Jotunheimen, og er eit populært startpunkt for turar til Galdhøpiggen.

Frå her er turen opp til Galdhøpiggen ca. 5,3 km. Turen er totalt omlag 13 km. lang, med 1350 høgdemeters stigning. Turen tek normalt mellom 7-9 timar.  Det er lurt å rekne ca. 5 timar opp og 3 timar ned.Turen frå Spiterstulen kan fint gås med “unge fjellvandrare” ned i 5-6 års alderen, viss dei er motiverte. Dette er ei rute med stor variasjon i både terreng og utsikt, og du går over tre 2000-meterstoppar undervegs til toppen! 

Frå Spiterstulen går stien opp på ei anna side enn frå Juvasshytta, og du treng ikkje å krysse nokon bre og kan derfor gå på eigenhand. Stien er godt merka, og vart renovert i 2010. Stien byrjar i småskog, men tek deg gjennom mange ulike terrengtypar, både over snø og steinur. På tur opp til Norges tak passerer du også tre 2000-toppar!

Det er også eit alternativ å gå til Galdhøpiggen frå Spiterstulen via Eventyrisen. Da får du oppleve Svellnosbrean på same tur som du bestig Noregs høgaste topp. For meir informajson om sjølve turen og prisar, kontakt Spiterstulen.

Du kan også ha med førar frå Spiterstulen bre- og fjellføring på denne turen om du vil. 

Turen startar ved å gå over brua over elva Visa ved Spiterstulen og følgjer tydeleg sti heilt til topps. Denne vart renovert av sherpaer i 2010 grunna høg terrengslitasje. Ver vennleg å følg merka sti. Ruta slaker litt ut over nokre blokkfelt og snøkledte område, men stig jamt til ein etter kvart skimtar Pigghytta. 

Veg:

Frå Lom til Spiterstulen er det ca 32 km. Du køyrer fv 55 mot Sognefjellet og tek av der det er skilta Spiterstulen til venstre, og køyrer Visdalsvegen inn til Spiterstulen. Dette er ein bomveg som kostar 80 kr. Betaling i respsjonen på Spiterstulen.

Vegen er ope når hytta er ope. Dette gjeld heile sommaren. Om vinteren er hytta ope i mars og april. Elles er vegen stengd med bom 5 km frå Spiterstulen. Om vinteren og våren kan det tidvis vere vanskeleg å køyra heilt frå Visbrua, 17 km frå Spiterstulen. Når hytta er stengd, kan det ikkje garanterast at vegen er køyrbar. Alternativet er da å gå på ski frå bommen og inn til hytta.