For å gi deg den beste opplevelsen, brukes informasjonskapsler på dette nettstedet. Finn ut mer her.

Allow cookies

Topptur på ski: Fannaråken (2068 m.o.h.)

TypeTopptur vinter

Sognefjellshytta, 2687, Bøverdalen

+4761212990

Fanaråken_Ove Nestvold
  • Fanaråken_Ove Nestvold
  • Product Image
  • Product Image
  • Product Image
  • Product Image

Om

TOPPTUR PÅ SKI TIL FANNARÅKI/ FANARÅKEN (2068 m.o.h)

Fanaråken er sjølvaste signaturtoppen på Sognefjellet. Med sin langstrakte, flate rygg, er dette ein lett gjenkjenneleg topp. Fannaråken har Norge sin høgaste overnattingsplass, med DNT-hytta på toppen, som er betjent i sumarhalvåret.

Beste utgangspunkt: Storfonni ved Preststeinsvatnet mellom Turtagrø og Sognefjellshytta (1430 moh).
Høgdeforskjell: Omlag 700 høgdemeter
Tidsbruk: 4-6 timar (tur- retur)

Ver obs på: Rasfarlege skavlar ut mot Fannråkbreen. Turen går over bre.
Utstyr: Normalt toppturutstyr + isøks, stegjern og skarejern. Vurder breutstyr.
Anbefalt skiutstyr: Fjelltelemark og randonnée. Fjellski er best frå Krossbu. Lang anmarsj og flate partier gjer turen lite egna for snowboard
Vegval: Turen kan gåast i terreng under 30 grader om du er nøye med vegvala.

Fanaråken er eit fjell på Sognefjellet i Luster kommune i Vestland. Like ved toppunktet, som ligg 2 068 meter over havet, finn du Fannaråkhytta som er ope sommarstid, som Norges høgastliggande overnattingsstad.  

Er du glad i fjellet, og glad i å gå på ski, så er Fanaråken ein topp som absolutt anbefalast. Utgangspunkt for turen er Sognefjellet. Er det påske, går turen frå Sognefjellshytta, litt sørover etter sommerruta og bortover på sørsida av Presteinsvatnet. Fortset så innover mot Tavla og opp på Fanaråkbreen. Er du på vårskitur, og Sognefjellsvegen (Fv.55) har opna etter å ha vore vinterstengt, er det dammen ved Preststeinsvatnet som er det vanlegaste utgangspunktet. Kryss over på demningen, og søk deg bort på breen. Sikt deg inn mot høgden 1688 aust for Fannaroknosi. Neste referanse blir den lange breryggan som går nedetter frå Fanaråken sin venstre side. Breen er rimeleg trygg, med lite bevegelse og normalt mykje snø.

Av og til kan sumarruta opp på ryggen òg nyttast, men den aller vanlegaste vegen på ski, er over denne ryggen og ut på «baksida», der denne traverserast eit stykke ned. Ta deg sørover mot ryggen der sumarruta frå Skogadaslbøen kjem opp. Her får du ei bratte til du er oppe på vel 1900 moh. Da flatar ruta ut, og du har det flotte skråplatået framfor deg. Frå her går det lett opp og bortover til toppen.

Ei fantasktisk utsikt er lønna for «slitet» opp. Jotunheim og Breheim på alle kantar. Du har også orkesterplass til Skagastølstindane, med sine høge toppar og hengande brear. Spektakulært! Returen går etter same rute som oppturen.

Rådfør deg gjerne med kjente fjellfolk før du tek turen.

Kart

Veibeskrivelse

Opningstider

* Topptur-sesongen byrjar vanlegvis i mars/april og varar gjerne ut mai og kanskje eit stykkje ut i juni om snøforhalda held. Variasjonar frå år til år er naturleg.

Visit Jotunheimen AS | Bergomsvegen 17, 2686 Lom | Org.nr. 915 613 020 | +47 612 12 990 | info@visitjotunheimen.no